-
-
-
-
काठमाडौँ । पूर्वलाई राजधानीसँग जोड्ने बीपी राजमार्ग अहिले पूरै सुनसान छ । शनिबार आएको बाढीले राजमार्ग नै कटान गरेपछि अहिले यहाँ कुनै पनि सवारी चल्न सकेको छैन ।
बाढीपहिरोले राजमार्गका विभिन्न स्थानमा कटान गरेको छ । सुनकोशीको किनारमा रहेको राजमार्गमा नदीले बढी कटान गरेको छ । रोशी गाउँपालिका ७ सम्म २ ठाउँमा त सडक नै छैन ।
जहिल्यै पनि सवारी आवतजावत भइरहने यो राजमार्गमा सन्नाटा छाएको छ । यो राजमार्गको निर्माणसँगै सहज अनुभव गरेका स्थानीय अहिले त्रासमा बाँचिरहेका छन् ।
बीपी राजमार्गको चौकीडाँडाँ–कालढुंगा खण्ड १८ कि.मि. सडक अवरुद्धको अवस्थामा रहेको छ । भौतिक पूर्वाधार तथा यातायात मन्त्रालयका अनुसार बीपी राजमार्गको सुनकोसी, खैरेनीटार, खुर्कोट, फोक्सिङटार पुलमा क्षति भएको छ ।
