-
-
-
-
मोरङ । मोरङमा पानी जमेको खाल्डोमा डुबेर दुई नाबालकको मृत्यु भएको छ । केराबारी गाउँपालिका वडा नं ८ स्थित कृष्ण क्रसरको परिसरमा रहेको पानी जमेको खाल्डोमा डुबेर उनीहरुको मृत्यु भएको हो ।
मृत्यु हुनेमा १० वर्षीय भूपेन चौलागाईं र ६ वर्षीय रामचरण चौलागाईं छन् । उनीहरु डुबेको खाल्डो ४ फिटभन्दा गहिरो छ ।
भूपेनको शव भने आफन्त र स्थानीयले खाल्डोबाट निकाल्न दिएका छैनन् । क्रसरको चरम लापरबाहीले घटना भएको स्थानीयको आरोप छ ।
प्रहरीले भने पौडी खेल्न खाल्डोमा पसेका नाबालकको बाहिर निस्कन नसक्दा मृत्यु भएको हुनसक्ने अनुमान गरेको छ । घटनाबारे अनुसन्धान सुरु गरिएको प्रहरीले जनाएको छ ।
