-
-
-
-
काठमाडौँ । नेपाल एचटी क्यानाडासँगको पहिलो अभ्यास खेलमा पराजित भएको छ । गएराति सम्पन्न खेलमा नेपाल घरेलु टोलीसँग ३ विकेटले पराजित भएको हो ।
क्यानाडामा सम्पन्न लिग २ सिरिज र त्यसपछि टी२० सिरिजको असफलतापछि पनि नेपालको हारको सिलसिला रोकिएको छैन । नेपालले लिग २ सिरिजमा केबल १ अंक जोडेको थियो भने टी–२० सिरिजमा २ खेल ओमानविरुद्ध जितेको थियो ।
नेपालले यो अभ्यास खेल सोमपाल कामीको कप्तानी खेलेको थियो । नेपालले दिएको १४४ रनको लक्ष्य पछाएको एचटी क्यानडाले ३६ ओभरमा ७ विकेट गुमाएर पुरा गरेको थियो । यसअघि नेपाल ३९.४ ओभरमा अल आउट हुँदै १४३ रन बनाएको थियो ।
नेपाल र एचटी क्यानाडाबीचको दोस्रो अभ्यास खेल आज राति र तेस्रो खेल मंगलबार खेल्दैछ ।
