-
-
-
-
लमजुङ । जिल्ला प्रहरी कार्यालय लमजुङले शुक्रबार राति १० जना जुवाडेलाई पक्राउ गरेको छ । बेंसीसहर नगरपालिका वडा नं ३, गाउँसहर पात्लेस्थित एक घरबाट उनीहरु पक्राउ परेका हुन् ।
हारजितको बाजी राखेर कौडा (जुवा) खेल्दै गरेको अवस्थामा उनीहरुलाई पक्राउ गरिएको प्रहरीले जनाएको छ ।
प्रहरी निरीक्षक टुलबहादुर श्रेष्ठको कमान्डमा गएको प्रहरी टोलीले उनीहरूलाई पक्राउ गरेको हो ।
उनीहरुका साथबाट ११ वटा कौडा र २ लाख ७२ हजार ३ सय ३५ रुपैयाँ बरामद गरिएको जिल्ला प्रहरी कार्यालयका प्रमुख डीएसपी निशान्त श्रीवास्तवले जानकारी दिए ।
जुवाडेलाई पक्राउ गरी शनिबार बिहान करिब ४ बजेतिर जिल्ला प्रहरी कार्यालय ल्याइएको डीएसपी श्रीवास्तवले बताए ।
पक्राउ परेका जुवाडेविरुद्ध जुवासम्बन्धी कसुरअन्तर्गत मुद्दा चलाइने र तिहार बिदापछि जिल्ला प्रशासन कार्यालयबाट म्याद थप गरी मुद्दा अघि बढाइने प्रहरीले जनाएको छ ।
