-
-
-
-
पोखरा । जिल्ला प्रहरी कार्यालय कास्कीले लागूऔषधसहित चार जनालाई पक्राउ गरेको छ ।
विशेष सूचनाका आधारमा यही कात्तिक २१ गते जिल्ला र वडा प्रहरी कार्यालय बगरबाट खटिएको टोलीले उनीहरुलाई पोखरा-२ बागलुङ बसपार्कबाट पक्राउ गरेको हो ।
पक्राउ पर्नेमा पोखरा-२ बाग्लुङ बसपार्कका २० वर्षीय कृष्ण श्रेष्ठ, म्याग्दी घर भई हाल पोखरा-३ नदीपुर बस्ने २५ वर्षीय प्रदीप पुन, पोखरा-४ फिर्केपुल बस्ने १९ वर्षीय रोहित नेपाली र गणेशटोल बस्ने १९ वर्षीय सुमित परियार छन् ।
उनीहरुको साथबाट ट्रमाडोल हाइड्रोक्लोराइड क्याप्सु ५० लेखिएको एक सय ६० चक्की बरामद भएको प्रहरीले जनाएकाे छ ।
उनीहरुलाई नियन्त्रणमा लिएर जिल्ला अदालतबाट सात दिनको म्याद लिएर अनुसन्धान भइरहेको कास्की प्रहरीका सूचना अधिकारी डीएसपी वसन्तकुमार शर्माले जानकारी दिए ।
