-
-
-
-
पोखरा । जिल्ला प्रहरी कार्यालय गोरखाले १२ जना जुवाडेलाई पक्राउ गरेको छ । सोमबार राति १० बजे गोरखा नगरपालिका वडा नं ६ स्थित एक घरमा कौडा खेलिरहेका अवस्थामा उनीहरु पक्राउ परेका हुन् ।
गोरखा प्रहरीका अनुसार पक्राउ पर्नेमा राजु श्रेष्ठ, शंकर विक, सुमन परियार, भूगोल कोइराला, रामबहादुर मालबुल, मनोज श्रेष्ठ, किसान बहादुर गुरुङ, नवीन थापा, विनोद कोइराला, ढालबहादुर राना, निमबहादुर घले र दिपेश सुनार छन् ।
जुवा खालबाट एक लाख १५ हजार तीन सय ८० रुपैयाँ बरामद भएको प्रहरीले जनाएको छ ।
उनीहरुविरुद्ध जुवासम्बन्धी कसूर शीर्षकमा मुद्दा दर्ता गरी हिरासतमा राखी अनुसन्धान गर्न जिल्ला प्रशासन कार्यालय गोरखाबाट म्याद थप अनुमतिसमेत लिएर अनुसन्धान प्रक्रिया अघि बढाइएको प्रहरीले जनाएको छ ।
