-
-
-
-
पोखरा । जिल्ला प्रहरी कार्यालय लमजुङले अवैध भरुवा बन्दुकसहित एक जनालाई पक्राउ गरेको छ ।
पक्राउ पर्नेमा लमजुङ क्वहोलासोथार गाउँपालिका वडा नं ९ छापा बस्ने वर्ष ५० को मंगले परियार रहेका छन् ।
विशेष सूचनाका आधारमा यही कात्तिक २५ गते प्रहरी चौकी गिलुङबाट खटिएको प्रहरी टोलीले परियारलाई पक्राउ गरेको हो ।
परियारले भिरमा लुकाईछिपाई राखेको अवस्थामा एक नाले भरुवा बन्दुक बरामद भएको प्रहरीले जनाएको छ ।
परियारबिरुद्ध हातहतियार तथा खरखजनासम्बन्धी कसुरमा जिल्ला अदालत लमजुङबाट सात दिनको म्याद लिएर अनुसन्धान प्रक्रिया अघि बढाइएको प्रहरीले जनाएको छ ।
