इटालीमाथि फ्रान्सको जित, दुवै पुगे नेसन्स लिगको क्वार्टरफाइनलमा

हाम्रा कुरा

प्रकाशित २०८१ मंसिर ३ सोमबार

काठमाडौँ । फ्रान्स र इटाली यूईएफए नेसन्स लिगको क्वार्टरफाइनलमा पुगेका छन् । गएराति सम्पन नेसन्स लिग ए को समूह बी अन्तर्गतको खेलमा फ्रान्सले इटालीलाई ३-१ गोल अन्तरले पराजित गरेको थियो ।

फ्रान्सको जितमा एड्रीयन राबिओटले २ गोल गरेका थिए भने इटालीका गुगलीएल्मो भिकारियोले एक गोल आत्मघाती गोल गरेका थिए । त्यसैगरी इटालीका आन्द्रेज कम्बिआसोले एक गोल गरेका थिए ।

यो जितसहित फ्रान्सको समुहमा ६ खेलमा १३ अंक भएको छ र समुह विजेताको रुपमा क्वार्टरफाइनलमा पुगेको छ । त्यस्तै हारका बाबजुत इटाली समूहमा उपविजेता हुँदै क्वार्टरफाइनलमा पुगेको हो ।