काठमाडौँ । यू–१९ क्रिकेटमा नेपालले हङकङलाई हराएको छ । मूलपानी क्रिकेट मैदानमा सोमबार भएको खेलमा नेपाल ३ विकेटले विजयी भएको हो ।
११४ रनको झिनो चुनौती नेपालले २६.४ ओभरमै ७ विकेटको क्षतिमा पूरा गरेको हो । चिबरिन श्रेष्ठले सर्वाधिक २३ रन बनाएको इनिङ्समा नेपालले २० रन अतिरिक्त पाएको थियो ।
हङकङका डानियल म्यापले ४ विकेट लिए ।
यसअघि पहिले ब्याटिङ गरेको हङकङले ४१.१ ओभरमा अलआउट हुँदै ११३ रन बनायो । अब्दुल सामदले ९८ बलमा अविजित ५० रन बनाएका थिए ।
नेपालका लागि सन्तोष यादवले ८ रन खर्चेर ४ विकेट लिएका थिए । त्यस्तै दयानन्द मण्डलले २ तथा अभिषेक तिवारी, चिबरिन श्रेष्ठ र अपराजित पौडेलले १ विकेट लिएका थिए ।
