काठमाडौँ । राष्ट्रिय प्रजातन्त्र पार्टी राप्रपा गणतन्त्रविरुद्ध बल्खुबाट गर्जिएको छ । राप्रपाले बल्खुमा शक्ति प्रदर्शनसहित सरकारविरुद्ध खबरदारी सभा गरेको हो । उपत्यकाका विभिन्न ठाउँबाट जुलुससहित भेला भएका राप्रपा, राजावादी लगायतको भेलाले गणतन्त्रको विरोध गर्दै राजतन्त्र ल्याउनु पर्ने बतायो ।
राप्रपा नेताहरुले गत चैत १५ गते तीनकुनेमा भएको घटानाको सत्यतथ्य बाहिर ल्याउन सरकारसँग माग गरे । उनीहरुले जनता सडकमा आउँदा पनि सरकार मस्तसँग सुतिरहेको आरोप लगाए ।
आजको प्रदर्शनमा कुनै हिंसात्मक घटना नहोस् भनी सुरक्षा संयन्त्र निकै कडा पारिएको छ ।
राजधानीका विभिन्न ठाउँमा अन्य समूहहरुको धर्ना जुलुस पनि चलिरहेकाले राप्रपाले सुरक्षित स्थल बल्खु पाएको हो ।
