पाकिस्तानका लागि जासुसी गरेको आरोपमा युट्युबर ज्योती पक्राउ
हाम्रा कुरा
प्रकाशित २०८२ जेठ ५ सोमबार
1.6k
Shares
काठमाडौँ । पाकिस्तानका लागि जासुसी गरेको आरोपमा युट्युबर ज्योती मल्होत्रा पक्राउ परेकी छिन् । भारतको राष्ट्रिय जाँच एजेन्सी (एनआईए) ले उनलाई हिरासतमा लिएको हो ।
एनआईएको टिम सोमबार ज्योतीसँग सोधपुछ गर्न हिसार पुगेको थियो । त्यसपछि टिमले उनलाई चन्डीगढ लिएर गएको छ ।
ज्योतीसँग आतंकवादीसँग जोडिएका विषयमा सोधपुछ हुने भारतीय सञ्चारमाध्यमहरुले विभिन्न सूत्रको प्रयोग गर्दै लेखेका छन् ।
यसअघि युट्युबर ज्योतीको इन्स्टाग्राम एकाउन्ट बन्द गरिएको थियो । उनका १ लाख ३९ हजार फलोअर्स छन् । आइतबार राति प्रहरी ज्योतीको घर पुगेको थियो ।
बताइएअनुसार ज्योती पहलगाम हमलाभन्दा पहिले कश्मीर गएकी थिइन् । उनी पहलगाम, गुलमर्ग, डल लेक, लद्धाखको प्यांगोङसँग पुगेकी थिइन् ।
