पसल बन्द गरेर फेरि सडकमा उत्रिए सुनचाँदी व्यवसायी [फोटोफिचर]
हाम्रा कुरा
प्रकाशित २०८२ असार १३ शुक्रबार
806
Shares
काठमाडौँ । आफूहरुको पहिलो चरणको आन्दोलनलाई सरकारले बेवास्ता गरेपछि सुनचाँदी व्यवसायीहरु पुनः आन्दोलनमा उत्रेका छन् । उनीहरु पसल बन्द गरेर सडकमा उत्रिएका हुन् ।
आगामी आर्थिक वर्षको विधेयकमा सरकारले सुनमा लगाएको दुई प्रतिशत विलासिता कर र हिरामा लगाएको १३ प्रतिशत मूल्य अभिवृद्धि करविरुद्ध व्यवसायीहरु सडकमा उत्रेका हुन् ।
विनयोजन विधेयक पास हुँदासमेत आफूहरुको माग सम्बोधन नभएपछि फेरि आन्दोलनमा उत्रनु परेको व्यवसायीहरुको भनाइ छ ।
प्रधानमन्त्री केपी शर्मा ओलीले माग सम्बोधन गर्ने प्रतिबद्धता जनाएपछि आन्दोलन स्थगित गरेका उनीहरुलाई सरकारले धोका दिएको अनुभूति भएपछि फेरि सडक आन्दोलनमा उत्रिएका हुन् ।
