रौतहट । ठूलो परिमाणमा लागुऔषधसहित प्रहरीले रौतहटबाट दुई जनालाई पक्राउ गरेको छ। गौर नगरपालिका वडा नं. १ स्थितमा रहेको शुभम होटल अगाडि भारतीय नम्बरको बिआर ०५ यु ५८६० नम्बरको ग्लायमर मोटरसाइकलमा सवार राजदेवी नगरपालिका ८ लक्ष्मीपुर टोल बस्ने विश्वनाथ पंडितको छोरा वर्ष २३ को नितेशकुमार र सोही स्थानका शिव राय यादवको छोरा वर्ष ३२ को पिन्टुकुमारलाई प्रहरीले प्रतिबन्धित लागुऔषधसहित पक्राउ गरेको हो।
उनीहरुको साथबाट नाइट्रोभेट १० ट्याबलेट १८ सय, नेटज़केयर १० ट्याब्लेट १२ सय, डाइजिपाम ३ सय एम्पुल, फेनेर्गन ३ सय एम्पुल, बुप्रेनोर्फिन इन्जेक्सन १ थान र २ थान मोबाइल फोन र एक थान मोटरसाइकल बरामद गरिएको जिल्ला प्रहरी कार्यालय रौतहटका प्रवक्ता, प्रहरी नायब उपरीक्षक दीपककुमार रायले जानकारी दिए ।
पक्राउ परेका दुवै जनालाई लागू औषध सम्बन्धी कसूरमा मुद्दा अघि बढाइएको प्रवक्ता रायले जानकारी दिए ।
