काठमडौा । जब आकाशमा चंगाहरू देखिन थाल्छन् तब दशैँ आएको आभास हुन्छ । अझ चेट भनेर चिच्याउने त्यो खुशीले उन्माद दिने बालापनको कुरै बेग्लै । घरका छतछतमा चंगा उडाउनेको लस्करै देख्न सकिन्छ ।
चंगा उडाउँदा एकले अर्काको चंगा काट्ने र उक्त चंगासँगै लट्टाइको धागो बटुल्न बालबालिकाबीच तँछाड र मछाड नै हुन्छ । अझ कुनै कुनै ठाउँमा प्रतिस्पर्धाको लडाइँ नै हुन्छ ।
युवालेसमेत बालबालिकालाई साथ दिन्छन् । दशैँमा चंगा उडाउनुको विशेष महत्व छ । मानिसहरू आकाशमा रंगीन चंगा उडाएर रमाइलो गर्छन् ।
विशेषगरी बालबालिका र युवा उत्साहका साथ चंगा उडाउँछन् । जसले चाडको माहोल अझ रमाइलो बनाउँछ। चंगा उडाउने परम्परा विशेषगरी स्वतन्त्रता र खुशीको प्रतीक मानिन्छ ।
तनावबाट मुक्त भएका बेलामै उडाइने चंगाले शान्ति प्रदान गर्छ । हावाको बेगअनुसार आफ्नो चंगाको व्यवस्थापन गर्नुपर्ने भएकाले यसले विज्ञानकाको अध्ययन पनि भइरहेको हुन्छ ।
बालापनले साँच्चै त्यो आजादी सँगसँगै जीवन र जगत पनि बुझेको हुन्छ ।
