काठमाडौँ। एसियाली विकास बैङ्क (एडीबी) ले करिब २७ अर्बको ऋण स्वीकृत गरेको छ ।
भारतको इन्दौर मेट्रो रेल परियोजना निर्माणका लागि १९० मिलियन अमेरिकी डलर (२६ अर्ब ९४ करोड ४६ लाख ) ऋण स्वीकृत गरेको हो।
यो परियोजनाअन्तर्गत इन्दौरको अत्यधिक मानवीय चाप भएको क्षेत्रलाई विमानस्थलसँग जोड्ने गरी सातवटा स्टेसनसहित ८.६२ किलोमिटरको स्थलगत मेट्रो लाइन निर्माण गरिएको थियो।
यस मेट्रो लाइनले वातावरणमा सकारात्मक प्रभाव पार्ने अपेक्षा गरिएको छ। यसले वार्षिक रूपमा अनुमानित १२ हजार ४१४ टन कार्बन डाइअक्साइड बराबरको ग्रीन हाउस ग्यास उत्सर्जन घटाउने र भारतमा हावाको गुणस्तर सुधार गर्ने लक्ष्य लिएको छ।
यस पहलमा मेट्रो सेवाहरूसँग बहुआयामिक एकीकरण, शैक्षिक संस्था र बजारमा पहुँच सुधार गर्ने लगायतका प्रयासहरू समावेश गरिएका छन्। भविष्यमा मेट्रो, विमानस्थल, रेलवे र बस प्रणालीहरू बीचको समन्वयलाई अनुकूलन गर्न बहुआयामिक एकीकरण अध्ययन पनि गरिने जनाइएको छ।
यस परियोजनालाई मध्य प्रदेश मेट्रो रेल कर्पोरेसन लिमिटेडले सञ्चालन गर्नेछ र सन् २०३० जनवरीसम्ममा सञ्चालन सुरु हुने अपेक्षा गरिएको छ।
