काठमाडौँ। गोडरेज इन्टरप्राइजेज ग्रुप अन्तर्गतको गोडरेज एप्लायन्सेस र चौधरी ग्रुप (सिजी इलेकट्रोनिक्स) ले "ब्रेकिंग बाउन्ड्रीज् २०८२" भन्ने विषयवस्तुमा आयोजना गरिएको भव्य बिजनेस पार्टनर्स मिट मार्फत २०८२ को नयाँ व्यावसायिक वर्षको सुरुवात गरेका छन्। नेपालभरिका १५० भन्दा बढी च्यानल पार्टनरहरूको उपस्थिति रहेको यस गतिशील कार्यक्रममा बजार नेतृत्वलाई नयाँ परिभाषा दिने र उपभोक्ता एप्लायन्सेस उद्योगमा नयाँ आयाम थप्ने साहसी दृष्टिकोण प्रस्तुत गरियो।

सम्मेलनको उद्घाटन चौधरी ग्रुपका प्रबन्ध निर्देशक श्री निर्वाण चौधरी र गोडरेज इन्टरप्राइजेज ग्रुप अन्तर्गतको गोडरेज एप्लायन्सेस का एक्सपोर्ट्स हेड तथा प्रोडक्ट ग्रुप हेड (हेल्थकेयर) जयशंकर नटराजनले दियो बाल्ने प्रतीकात्मक समारोहबाट गर्नुभयो, जसले नयाँ सम्भावना प्रज्वलित गर्ने र परम्परागत सीमाना तोड्ने सन्देश दियो।

श्री जयशंकर नटराजनले आफ्नो दृष्टि प्रस्तुत गर्दै भन्नुभयो: "ब्रेकिंग बाउन्ड्रीज् २०८२ केवल एक विषयवस्तु मात्र होइन, यो हाम्रो सिमाना चुनौती दिने र नयाँ अवसर सिर्जना गर्ने प्रतिबद्धता हो। हाम्रो पार्टनरहरूसँगै हामी नेपाली बजारमा सम्भावनाको नयाँ क्षितिजहरू तोड्नेछौँ।"

त्यसै गरी, चौधरी ग्रुपका प्रबन्ध निर्देशक श्री निर्वाण चौधरीले थप्नुभयो: "चौधरी ग्रुप र गोडरेजको साझा लक्ष्य परम्परागत सिमाना नाघ्नु हो। यस वर्ष हामी नवप्रवर्तन, ग्राहक संलग्नता र बजार विस्तारमा नयाँ अध्याय लेख्नेछौँ, जसले हाम्रो पार्टनरहरूलाई अभूतपूर्व सफलता हासिल गर्न सक्षम बनाउनेछ।"

"ब्रेकिंग बाउन्ड्रीज् २०८२" को विषयवस्तु सम्पूर्ण कार्यक्रममा प्रतिध्वनित भयो, जसले नवप्रवर्तन, सहकार्य र महत्त्वाकाङ्क्षी वृद्धिलाई जोड दियो। कार्यक्रममा अत्याधुनिक उत्पादनहरू, भविष्यमुखी व्यावसायिक रणनीतिहरू प्रदर्शन गरियो र बजारमा नयाँ आयाम सिर्जना गरिरहेका पार्टनरहरूलाई सम्मान गरियो।

कार्यक्रमको विशेष आकर्षणमा गोडरेजका नयाँ पुस्ताका उत्पादनहरूको २०८२ का लागि लन्च पनि समावेश थियो, जसमा नेक्स्ट–जेनेरेसन फ्रिज, एयर कन्डिसनर र वाशिङ मेसिन रहेका छन्। यी सबै उत्पादनहरू छिट्टै नै नजिकैका स्टोरहरूमा उपलब्ध हुनेछन्।

गोडरेज एप्लायन्सेसबारे:
गोडरेज इन्टरप्राइजेज ग्रुप अन्तर्गतको गोडरेज एन्ड बोइस को एप्लायन्सेस व्यवसाय भारतको अग्रणी होम एप्लायन्सेस कम्पनीहरूमध्ये एक हो। सन् १९५८ मा फ्रिज उत्पादन गर्ने पहिलो भारतीय कम्पनीका रूपमा सुरु भएको यस ब्रान्डले आज वाशिङ मेसिन, एयर कन्डिसनर, माइक्रोवेभ ओभन, थर्मो-इलेक्ट्रिक कूलिङ सोलुसन, एयर कूलर, डीप फ्रीजर, मेडिकल रिफ्रिजरेटर, डिशवाशरदेखि लिएर इन्सुलिन कूलर सम्मका उत्पादनहरू प्रस्तुत गरिरहेको छ। यसको मूल दर्शन हो – ‘थिङ्स मेड थटफुली’ अर्थात् सोचेर बनाइएका उत्पादनहरू।

पर्यावरण संरक्षण गोडरेजको मूल मूल्य हो। यसका उत्पादन र प्रक्रिया मानव–केन्द्रित तथा पृथ्वी–केन्द्रित डिजाइनमा आधारित छन्। गोडरेज एप्लायन्सेसका दुवै उत्पादन इकाई भारतमै पहिलो पटक प्लाटिनम प्लस ग्रिन को. प्रमाणपत्र प्राप्त गर्ने बनेका छन्। कम्पनीले आफ्ना उत्पादनहरूलाई वातावरणमैत्री प्रविधिसहित प्रस्तुत गर्छ र ९५०+ सर्भिस सेन्टर र ४०००+ स्मार्टबडी सर्भिस एक्सपर्ट मार्फत देशव्यापी उत्कृष्ट आफ्टर–सेल्स सर्भिस प्रदान गर्दछ।

चौधरी ग्रुपबारे:
चौधरी ग्रुप नेपालकै सबैभन्दा ठूलो र बहु आयामिक व्यापारिक समूहमध्ये एक हो, जसको उपस्थिति कन्ज्युमर इलेकट्रोनिक्स, फास्ट–मुभिङ कन्ज्युमर गुड्स (एफएमसीजी), पूर्वाधार लगायतका क्षेत्रमा छ। यसको सहायक कम्पनी सिजी इलेकट्रोनिक्स नेपालमा उपभोक्ता टिकाउ सामग्रीहरूको अग्रणी शक्तिका रूपमा स्थापित छ।