काठमाडौँ। नेपालको अग्रणी र विश्वसनीय ब्रान्ड सीजीले आफ्नो घरायसी उपकरणको शृङ्खलामा नेपालकै पहिलो कृत्रिम बुद्धिमत्तायुक्त (एआई) एयर फ्रायर सार्वजनिक गरेको छ। सीजी मेरिडिया स्मार्ट एयर फ्रायर (मोडेल सीजीएमआरएएफ८एल एआई) नामक यो नवीनतम उपकरणले आधुनिक नेपाली भान्सालाई प्रविधियुक्त, स्वस्थ र समय–बचतशील बनाउने लक्ष्य राखेको छ।

कम्पनीका अनुसार, यो मोडेल १८०० वाट क्षमतायुक्त र ८ लिटरको ठूलो भोल्युम भएको एयर फ्रायर हो। यो नेपालमा पहिलो पटक कृत्रिम बुद्धिमत्ता (एआई) र इन्टरनेट अफ थिङ्स (आईओटी) प्रविधिको संयोजनमा तयार गरिएको उपकरण हो।

यसमा भित्री क्यामेरा र स्मार्ट सेन्सरहरू जडान गरिएको छ। जसले पकाइँका लागि प्रयोग गरिने सामग्रीको प्रकार र तौल स्वतः पहिचान गर्छ। त्यसपछि प्रणालीले आवश्यक तापक्रम र पकाइ समय स्वचालित रूपमा मिलाएर प्रत्येक पटक उत्तम परिणाम सुनिश्चित गर्छ।

रिमोट कन्ट्रोल सुविधा
यो एयर फ्रायरलाई सीजी स्मार्ट होम एप मार्फत स्मार्टफोनबाटै नियन्त्रण गर्न सकिन्छ। प्रयोगकर्ताले मोबाइलमै रहेर पकाइ मोड, तापक्रम र समय सहजै सेट गर्न सक्छन्।

प्रमुख विशेषताहरू

• स्मार्ट एआई पकाइ प्रणाली:
  • २५ स्वचालित मेनुका साथ पकाइ समय र तापक्रम स्वतः समायोजन — हरेक पटक उत्तम परिणाम।
• स्मार्ट पानी र तेल स्प्रे प्रविधि:
  • खानाको बाहिरी र भित्री भागलाई समान रूपमा कुरकुरे र स्वादिष्ट बनाउने नवीनतम सुविधा।
  • ८ लिटर क्षमताको नन–स्टिक बास्केट:
  • ठूलो परिवार वा विभिन्न परिकारहरूका लागि उपयुक्त।
• बहुउद्देश्यीय पकाइ विकल्प:
  • फ्राइ, ग्रिल, रोस्ट वा बेक — सबै एकै उपकरणमा।
  • तापक्रम नियन्त्रण सुविधा:
  • ८० डिग्री सेल्सियस देखि २०० डिग्री सेल्सियस सम्मको समायोजन योग्य तापक्रम — सटीक पकाइको लागि।
• र्‍यापिड एयर फ्लो प्रविधि:
  • तेल बिना नै कुरकुरे स्वाद, सबै दिशाबाट समान रूपमा पकाउने क्षमता।
• पारदर्शी झ्याल:
  • पकाइको अवस्था सजिलै हेर्न सकिने ‘सी–थ्रू विन्डो’ सुविधा।

मूल्य र उपलब्धता
सीजीएमआरएएफ८एल एआई स्मार्ट एयर फ्रायर को अधिकतम खुद्रा मूल्य रु. १६,१४० निर्धारण गरिएको छ। यो एयर फ्रायर देशभरका सबै सीजी डिजिटल शोरुमहरू, अधिकृत खुद्रा स्टोरहरू र कम्पनीको आधिकारिक वेबसाइट cgdigital.com.np मार्फत खरिद गर्न सकिनेछ।

कम्पनीको भनाइ
सीजीका प्रतिनिधिहरूका अनुसार, “हामी सधैँ बजारमा उच्च गुणस्तरका, प्रविधिमैत्री र प्रयोगकर्तामैत्री उत्पादन ल्याउन प्रतिबद्ध छौँ। सीजी मेरिडिया स्मार्ट एयर फ्रायरले नेपालमा घरायसी प्रविधिको नयाँ युगको सुरुवात गरेको छ।”

एआई, स्मार्ट सेन्सर, क्यामेरा–आधारित खाना पहिचान प्रणाली र आईओटी कनेक्टिभिटीको संयोजनले यो उत्पादनलाई “कुक स्मार्ट ईट हेल्दी” (स्मार्ट पकाउनुहोस्, स्वस्थ खानुहोस्) भन्ने दर्शन अनुरूप अघि बढाएको कम्पनीको भनाइ छ।

सीजीको सेवा सञ्जाल
४० वर्षभन्दा बढी समयदेखि नेपाली उपभोक्ता इलेकट्रोनिक्स बजारमा अग्रणी रहँदै आएको सीजी इलेकट्रोनिक्सले गुणस्तरीय उत्पादन, नवप्रवर्तन र उत्कृष्ट सेवा मार्फत लाखौँ नेपालीको विश्वास जितेको छ।

देशभर २० वटा आधुनिक शोरुम र ४० वटा सेवा केन्द्रहरू मार्फत बिक्रीपछिको सेवा सुनिश्चित गर्दै आएको कम्पनीले छिटो, भरपर्दो र प्राविधिक रूपमा दक्ष सेवा प्रदान गर्दै आएको छ, जसले सीजी ब्रान्डलाई गुणस्तर र विश्वसनीयताको पर्याय बनाएको छ।