तस्बिर – नेपाल फोटो लाइब्रेरी र नेपाल न्युज बैंक ।
काठमाडौँ । काठमाडौँको बालाजुस्थित बाईसधारामा आज परम्परागत विशेष मेला लागेको छ । प्रत्येक वर्ष चैत शुक्ल पूर्णिमाका अवसरमा आयोजना हुने यस मेलामा स्नान गर्न हिन्दू तथा बौद्ध धर्मावलम्बीहरू जाने गरेका छन् ।
बाईसधारामा स्नान गरेमा मुक्तिनाथ मन्दिर तथा गोसाईंकुण्डमा स्नान गरे सरह पुण्य प्राप्त हुने मान्यता रहेको छ । यसै विश्वासका कारण आज बिहानैदेखि श्रद्धालुहरू बाईसधारामा स्नान गर्न पुगेका छन् ।
मेलामा नुवाकोट, धादिङ, रसुवा, चितवन लगायतका विभिन्न जिल्लाहरुबाटसमेत भक्तजनहरु बाईसधारा आउने गर्दछन् । तत्कालीन राजा प्रताप मल्लले निर्माण गरेको उक्त धारामा नागार्जुनको डाँडाबाट पानी आउने गर्दछ ।
यस दिन बालाजु बाईस धाराको पानीले स्नान गरे पाप पखालिने, रोग निको हुने र चिताएको पूरा हुने धामिर्क विश्वास रहिआएको छ ।
