प्राचीन कालदेखि चल्दै आएको जात्राको मुख्य उद्देश्य गाउँमा अनिकाल नलागोस्, महामारी नफैलियोस् र सबैको कल्याण होस् भन्ने धार्मिक विश्वास
हाम्रा कुरा
प्रकाशित २०८२ चैत २० शुक्रबार
706
Shares
तस्बिर : न्यूज एजेन्सी नेपाल ।
काठमाडौँ । काठमाडौँ उपत्यकाको दक्षिणी क्षेत्रमा अवस्थित ऐतिहासिक एवं सांस्कृतिक बस्ती मनमैजु यतिबेला उत्सवमय बनेको छ । यस क्षेत्रको पहिचानका रूपमा रहेको प्रसिद्ध ‘मनमैजु जात्रा’ (इन्द्रायणी जात्रा) परम्परागत विधिअनुसार हर्षोल्लासका साथ मनाइँदैछ ।
लिच्छविकालीन इतिहास बोकेको यो जात्राले स्थानीय नेवार समुदायको मात्र नभई समग्र उपत्यकाकै धार्मिक सहिष्णुता र सांस्कृतिक वैभवलाई झल्काएको छ ।
ऐतिहासिक र सांस्कृतिक महत्व स्थानीय जनश्रुतिअनुसार मनमैजु देवीलाई इन्द्रायणीको रूपमा पुज्ने गरिन्छ । ‘मनमैजु’ शब्दको अर्थ ‘मनकी आमा’ भन्ने बुझिन्छ ।
प्राचीन कालदेखि चल्दै आएको यस जात्राको मुख्य उद्देश्य गाउँमा अनिकाल नलागोस्, महामारी नफैलियोस् र सबैको कल्याण होस् भन्ने धार्मिक विश्वास रहेको छ । उज्यालो रात र आस्थाको यो संगमले मनमैजु जात्रालाई यस वर्ष पनि एक अविस्मरणीय पर्वको रूपमा स्थापित गरेको छ । न्यूज एजेन्सी नेपाल
