काठमाडौँ । कास्की जिल्लाको मिजुरेडाँडा आसपास केन्द्रविन्दु भएर आज बिहान भूकम्प गएको छ।
राष्ट्रिय भूकम्प मापन तथा अनुसन्धान केन्द्र लैनचौरका अनुसार बिहान ८:३४ बजे ३.५ रेक्टर स्केलको भूकम्प मापन गरिएको हो।
यो पराकम्प नभई नयाँ भूकम्प भएको केन्द्रले जनाएको छ। यसअघि गत चैत १८ गते मुगु जिल्लाको दाइनाकोट केन्द्रविन्दु भएर ४ रेक्टर स्केलको भूकम्प गएको थियो।
कास्की र आसपासका क्षेत्रमा भूकम्पको धक्का महसुस गरिए पनि हालसम्म कुनै मानवीय वा भौतिक क्षतिको विवरण प्राप्त भएको छैन। पछिल्लो समय नेपालका विभिन्न पहाडी तथा हिमाली जिल्लाहरूमा भूकम्प जाने क्रम चलिरहेको छ।
