-
-
-
-
धादिङ । धादिङको थाक्रेमा ढुङ्गा लोड गर्नेक्रममा खानीबाट खसेको ढुङ्गाले च्यापेर टिपर चालकको ज्यान गएको छ ।
मृत्यु हुनेमा ३५ वर्षीय चालक देवेन्द्र खत्रीको मृत्यु भएको धादिङ प्रहरीका प्रवक्ता प्रहरी निरीक्षक प्रकाश दहालले जानकारी दिए ।
थाक्रे गाउँपालिका-७ राम्चेस्थित बज्रकाली रोडा ढुङ्गा उद्योगको खानीमा ढुङ्गा लोड गर्न पुगेको बा५ख ८५८० नम्बरको टिपरमाथि ढुङ्गा खस्दा चालकको ज्यान गएको हो ।
प्रहरीका अनुसार ढुङ्गा लोड गर्ने क्रममा अचानक माथिबाट ठूलो ढुङ्गा खस्दा चालक खत्री च्यापिएका थिए । घटनाबारे थप अनुसन्धान भइरहेको प्रहरीले जनाएको छ ।
