काठमाडौँ । नेपाली बजारमा बिहीबार सुनचाँदीको भाउ घटेको छ । बुधबारको तुलनामा बिहीबार सुनको भाउ तोलामा दुई सय र चाँदीको ८५ रुपैयाँ घटेको हो ।
मूल्य घटेसँगै बिहीबार छापावाला सुन प्रतितोला तीन लाख ११ हजार एक सय रुपैयाँ कायम भएको नेपाल सुनचाँदी रत्न तथा आभूषण महासंघले जनाएको छ।
यसअघि बुधबार र मंगलबार सुनको भाउ प्रतितोला तीन लाख ११ हजार तीन सय रुपैयाँ रहेको थियो ।
यता, बुधबार प्रतितोला पाँच हजार तीन सय ७० रुपैयाँमा कारोबार भएको असली सुनको भाउ बिहीबार घटेर पाँच हजार दुई सय ८५ रुपैयाँमा कारोबार भइरहेको छ ।
सुनचाँदीको मूल्य हालसम्मकै उच्च गत माघ १५ गते भएको थियो । उक्त दिनमा सुन प्रतितोला तीन लाख ३९ हजार तीन सय र चाँदी सात हजार पाँच सय पाँच रुपैयाँमा कारोबार भएको थियो ।
अन्तर्राष्ट्रिय बजारमा आएको उतारचढावका कारण स्थानीय बजारमा पनि सुनको मूल्य प्रभावित भएको बजार विश्लेषकहरूको दाबी छ ।
