-
-
-
-
नेपालगञ्ज । नेपालगञ्जमा मोटरसाइकलको ठक्करबाट एक जना साइकल यात्रीको मृत्यु भएको छ । नेपालगञ्जको फुल्टक्राको बाटो हुँदै पुरैनीतर्फ जाँदै गरेको भे ९ प ७९९४ नम्बरको मोटरसाइकलले शनिबार साढे ४ बजे साइकलमा सवार ब्यक्तिलाई ठक्कर दिएको हो ।
मोटरसाइकलको ठक्करबाट गम्भीर घाइते भएका ब्यक्तिको उपचारका क्रममा नेपालगञ्ज मेडिकल कलेजमा मृत्यु भएको जिल्ला प्रहरी कार्यालय बाँकेले जानकारी दिएको छ ।
मृतक ब्यक्तिको पहिचान नखुलेको प्रहरीले बताएको छ। ठक्कर दिने मोटरसाइकल र चालक नेपालगञ्ज १९ बसुसेबपुरका तिलकराम बर्मालाई प्रहरीले नियन्त्रणमा लिएर अनुसन्धान गरिरहेको प्रहरीले जानकारी दिएको छ।
