नेविसंघका पूर्व केन्द्रीय सदस्य रविन्द्रको स्मृतिमा भएको ब्याडमिन्टनको उपाधि छवि र निराजनलाई

नेविसंघका पूर्व केन्द्रीय सदस्य रविन्द्रको स्मृतिमा भएको ब्याडमिन्टनको उपाधि छवि र निराजनलाई

लोकेन्द्र विश्वकर्मा,

प्रकाशित २०७७ चैत १७ मंगलबार

खलंगा । नेविसंघका पूर्व केन्द्रीय सदस्य स्वर्गीय रविन्द्र शम्शेर शाहको चौथो स्मृति दिवसको अवसरमा आयोजित खुल्ला डबल्स ब्याडमिन्टन प्रतियोगिताको उपाधि छवि पन्त र निराजन बिक्रम शाहीको जोडीले जितेको छ ।

नेविसंघ जाजरकोटले शाहको चौथो स्मृति दिवसको अवसरमा उक्त प्रतियोगिता आयोजना गरिएको हो । विजेताले २० हजार रुपैयाँको पुरस्कार पनि जितेका छन् ।

दोस्रो स्थान हासिल गरेको राजु भडेल र रमेश चन्दको जोडीले १५ हजार, तेस्रो भएको सिताराम वली र महेन्द्र भडेल तथा रामसिंह ठकुरी र महेश कठायतको जोडीले समान ६–६ हजार रुपैयाँ जितेको छ ।