-
-
-
-
काठमाडौं । ३५ वर्षे युनाइटेड अरब इमिरेट्स (युएई) का क्रिकेट बलर कादिर अहमद खानको क्रिकेट करियर समाप्त भएको छ । अन्तर्राष्ट्रिय क्रिकेट परिषद (आईसीसी) ले बुधबार अहमदलाई ५ वर्षको प्रतिबन्ध लगाएसँगै उनको करियर पनि सकिएको हो ।
आईसीसीले ‘एन्टी करप्सन कोड’ उल्लंघन गरेको भन्दै अहमदलाई ५ वर्षको प्रतिबन्ध लगाएको हो । गत वर्ष नै निलम्बनमा परेका उनीमाथि आईसीसीले एन्टी करप्सन कोडको विभिन्न ६ नियम उल्लंघन गरेको आरोप लगाएको थियो ।
अहमदले गल्ती स्वीकारेपछि उनलाई क्रिकेटका कुनैपनि गतिविधिमा संलग्न हुन नपाउने गरी पाँच वर्षकालागि प्रतिबन्ध गरिएको आईसीसीले उल्लेख गरेको छ ।
खेल मिलेमतोमा मुछिएपछि आईसीसीले युएईकै क्रिकेटर मोहमद नाभिद र शाइमन अनवरलाई आठ वर्षको प्रतिबन्ध लगाएको थियो ।
