-
-
-
-
डोटी । डोटीमा जिप दुर्घटना हुँदा एक जनाको मृत्यु भएको छ भने एक जना घाइते भएकी छिन् । जिल्लाको दिपायल सिलगढी नगरपालिका ४ कलागाडस्थित रेडियो नेपाल नजिक जिप दुर्घटना भएको हो।
उक्त दुर्घटनामा जीप चालक धनगढी उपमहानगरपालिका ५ तारानगर बस्ने ५० वर्षीय हुकुम शाहको मृत्यु भएको जिल्ला प्रहरी कार्यलय डोटीका प्रहरी नायब उपरीक्षक इन्द्र बहादुर मल्लले जानकारी दिए ।
उनका अनुसार कुखुराका चल्ला बोकेर धनगढीबाट बाजुराका लागि हिँडेको सुप्रप ०१०० च २६१५ नम्बरको जीप शुक्रबार बिहान ४ बजेको समयमा दुर्घटना भएको हो ।
उक्त दुर्घटनामा परी गम्भीर घाइते भएका शाहको दिपायल स्थित शैलेश्वरी अस्पतालमा उपचारको क्रममा बिहान साढे छ बजेर मृत्यु भएको अस्पताल श्रोतले जनाएको छ। उक्त जिपमा सवार घाइते देवीकुमारी शाहको शैलेश्वरी अस्पताल दिपायलमा उपचार भइरहेको छ ।
जिप सय मिटर तल खसेको छ। घटना के कति कारण भएको भन्ने बारे थप अनुसन्धान भइरहेको प्रहरीले जनाएको छ।
