काठमाडौं । काठमाडौं महानगरीय अपराध महाशाखाले उपत्यकाबाट २ थान गाडीसहित २ जनालाई पक्राउ गरेको छ ।
उपत्यकाका बिभिन्न स्थानमा भन्सार छलि सवारी साधन चोरी निकासी गरि बिक्री बितरण भई रहेको छ भन्ने बिशेष सूचनाको आधारमा प्रहरीले ७ गते उनीहरुलाई पक्राउ गरेको हो ।
पक्राउ पर्नेमा स्थायी घर मुस्ताङ लोधोगार दामोदर कुण्ड गाँउपालिका वडा न ४ भइ हाल वौद्धमा बस्ने ३८ बर्षीय आग्या गुरुङ र भारत पश्चिम बंगाल दार्जिलिङ घुम स्थायी घर भई हाल बौद्धमै बस्ने ४३ बर्षीय सोनाम टासी योल्मो रहेका छन् ।
दुवै जनाबाट हुन्डाइ कम्पनीको २ थान क्रेटा गाडी बरामद गरिएको हो । पक्राउ परेका दुवै जनालाई आवश्यक कारवाहीको लागी त्रिभुवन अन्तर्राष्ट्रिय विमानस्थल भन्सार कार्यालय गौचर,काठमाण्डौ पठाईएको छ ।
उनीहरूकाे साथबाट ईन्जिन नम्बर D4FCJMJM710203 र च्यासिस नम्बर MALC281RLJM510761 सेतो रंगको बा. १९ च.२०३६ भएको सेतो रंगको गाडी एक थान र ईन्जिन नम्बर D4FBKM837583 र च्यासिस नम्बर MALC381UMKM625769 एवं अटो गेर भएको DL8CAZ6082 भएको सेतो रंगको गाडी एक थान बरामद भएकाे हाे ।
