नेपालगन्ज । जिल्ला प्रहरी बाँकेले धमाधम अवैध सामाग्री बरामद अभियानलाई झनै चुस्त पारेको छ ।
बाँके प्रहरी प्रमुख एसपी श्यामकृष्ण अधिकारी बाँके आएयता जिल्ला प्रहरी बाँकेले दिनहुँ लाखौँ रुपैयाँ बराबरका अवैध सामाग्री बरामद गर्दै आएको छ । बाँके प्रहरीले दसैँको समयमा हुन सक्ने अवैध तस्करी रोक्न विशेष अभियान नै चलाएको छ ।
तस्करी रोक्न बाँके प्रहरीले विभिन्न नाका तथा तस्करी हुन सक्ने सम्भावित स्थानहरूमा प्रहरी परिचालन गरेको जिल्ला प्रहरी बाँकेले जनाएको छ । जिल्ला प्रहरी बाँकेको टोलीले तस्करी हुन सक्ने स्थानमै गएर भारतबाट ल्याउँदै गरिएका भन्सार छलीका अवैध सामाग्री बरामद गरेको छ ।
जिल्ला प्रहरी बाँकेका अनुसार नेपालगन्ज १० को पश्चिम तर्फबाट खेतखेतै ल्याउँदै गरिएको ठुलो परिमाणमा अवैध सामाग्री बरामद गरेको जनाएको छ ।
बरामद गरिएको लाखौँ रुपैयाँको लत्ताकपडा लगायत अटो रिक्साका सामाग्री बरामद गरी नेपालगन्ज भन्सार कार्यालय बुझाइएको प्रहरीले जनाएको छ ।
बाँके प्रहरीको दिनहुँ तस्करी निस्तेज अभियान झनै कडा बन्दै गएपछि तस्करहरूको मनोबल खस्किँदै गएको छ ।
