-
-
-
-
पोखरा । पोखरामा सवारी दुर्घटनामा परी एक जनाको मृत्यु भएको छ । आइतबार साँझ भएको दुर्घटनामा मृत्यु हुनेमा म्याग्दीका ५५ वर्षीय शंकरबहादुर शिर्पाली रहेका छन् ।
जिल्ला प्रहरी कार्यालय कास्कीका अनुसार पोखरा महानगरपालिका वडा नं. २५ हेमजास्थित शान्ति चोकमा ग३च ४९२२ नम्बरको कारले पैदल यात्री शिर्पालीलाई ठक्कर दिँदा गम्भीर घाइते भएका थिए ।
उनलाई उपचारका लागि मणिपाल शिक्षण अस्पताल लगिएकोमा उपचारकै क्रममा उनको मृत्यु भएको प्रहरी प्रवक्ता एवं प्रहरी नायव उपरीक्षक सुवास हमालले जानकारी दिए ।
प्रहरीले ठक्कर दिने कार र कारका चालकलाई नियन्त्रणमा लिएर अनुसन्धान गरिरहेको डिएसपी हमालले बताए ।
