-
-
-
-
नेपालगन्ज । बाँकेको नेपालगन्ज सीमा नाकाबाट लागुऔषधसहित एक जना युवक पक्राउ परेका छन् ।
मङ्गलवार दिउँसो साढे ३ बजे नेपालगन्ज उपमहानगरपालिका वडा नम्बर १५ जमुनाह गाउँबाट लागुऔषध नाइट्रोभेटसहित शैलेशिखर नगरपालिका ९ का १९ नरेन्द्र विष्टलाई जमुनाह प्रहरीको टोलीले पक्राउ गरेको छ
जमुनाह गाउँस्थित चोर बाटो प्रयोग गरेर लुकिछिपी आएका विष्टलाई २० भाइल ( ३०० पिस)नाइट्रोभेट टयाबलेटसहित पक्राउ गरिएको इलाका प्रहरी कार्यालय जमुनाहका इन्चार्ज प्रहरी नायब निरीक्षक मीन बहादुर विष्टले जानकारी दिएका छन् ।
शङ्कास्पद तरिकाले नेपालगन्ज आउँदै गरेका विष्टलाई चेकजाँचका क्रममा लागू औषधसहित नियन्त्रणमा लिएको प्रहरी नायब निरीक्षक विष्टले बताए। पक्राउ परेका विष्टसँग
थप अनुसन्धान भइरहेको प्रहरी नायब निरीक्षक विष्टले जानकारी दिएका छन् ।
