-
-
-
-
सर्लाही । सर्लाहीमा भएको मोटरसाइकल दुर्घटनामा तीन जनाको मृत्यु भएको छ । प्रहरीका अनुसार ईश्वरपुर नगरपालिका ३ बयलवास भक्तिपुर सडक खण्ड स्थित सागरनाथ जङ्गलमा तीन जना सबार मोटरसाइकल दुर्घटना भएको हो ।
सागरनाथबाट बयलवासतर्फ जाँदै गरेको बा.१९प.७१९७ नम्बरको मोटरसाइकल शनिवार राति आफै अनियन्त्रित भई सपेताको रुखमा ठोक्किँदा बाटोभन्दा १० मिटर तल लडेर दुर्घटना भएको सर्लाही प्रहरीका प्रवक्ता एवं डिएसपी माधवप्रसाद बुढाथोकीले जानकारी दिए ।
उक्त दुर्घटनामा ईश्वरपुर नगरपालिका १० दश बिगाहा बस्ने २२ वर्षीय अरुण सिंह, २० वर्षीय श्रगम बिक र २२ वर्षीय रोहन सिंहको मृत्यु भएको बुढाथोकीले बताए ।
तीनै जनाको घटनास्थलमै मृत्यु भएको र शव पोस्टमार्टमका लागि जिल्ला अस्पताल मलंगवा ल्याइएको प्रहरीले जनाएको छ ।
