-
-
-
-
पोखरा । नारायणगढ-मुग्लिन सडक खण्डअन्तर्गत इच्छाकामना गाउँपालिका-६ तीन नम्बर पुलबाट स्कार्पियो त्रिशूलीमा खस्दा सात घाइते भएका छन् । नारायणगढबाट काठमाडौँतर्फ जाँदै गरेको बा१३च ४३६५ नम्बरको स्कार्पियो अन्दाजी साँझ ६ बजेतिर त्रिशुलीमा खसेको हो ।
स्कार्पियो अनियन्त्रित भई सडकबाट करिब ६० मिटर तल त्रिशूली नदीको किनारामा खसेको प्रहरीले जनाएको छ ।
जिल्ला प्रहरी कार्यालय चितवनका प्रमुख प्रहरी उपरीक्षक ओप्रसाद अधिकारीका अनुसार सवारी चालकसहित घाइते सबैलाई उपचारका लागि भरतपुरतर्फ लगिएको छ । दुर्घटनाका घाइतेको विवरण पनि आउन बाँकी छ ।
