भारतीय मुलका प्रशिक्षक श्रीनिवास नेपाली क्रिकेटको फिल्डिङ कन्सल्ट्यान्ट
हाम्रा कुरा
प्रकाशित २०७८ माघ १७ सोमबार
360
Shares
काठमाडौं । नेपाल क्रिकेट संघ (क्यान) ले भारतीय मुलका प्रशिक्षक रघुराम श्रीनिवासलाई नेपाली क्रिकेट टिमको फिल्डिङ कन्सल्ट्यान्ट प्रशिक्षकमा नियुक्त गरेको छ । क्यानले सोमबार श्रीनिवासलाई आईसीसी टी–२० विश्वकप छनोटका लागि फिल्डिङ कन्सल्ट्यान्ट प्रशिक्षकको रुपमा जोडिएको जनाएको हो ।
श्रीनिवास अष्ट्रेलिया क्रिकेटको हाइ पर्फमेन्स लेभल ३ प्रशिक्षक हुन् । श्रीनिवासले मुख्य प्रशिक्षक पुबुदु दशानायकेसँग अमेरिकाको क्रिकेट टिममा सँगै काम गरेका थिए ।
‘प्रशिक्षक श्रीनिवासले अमेरिकामा मसँगै काम गर्नुभएको हो । उहाँ उर्जावान फिल्डिङ प्रशिक्षक हुनुहुन्छ,’ पुबुदुले भने ।
नेपाली टोली ओमानमा आयोजना हुने प्रतियोगिताको लागि तयारीमा छ । नेपालले सन्दीप लामिछानेको कप्तानीमा पहिलो पटक खेल्दैछ ।
