काठमाडौं । डा. सीके राउत नेतृत्वको जनमत पार्टीका पदाधिकारीले गृहमन्त्री बालकृष्ण खाँणसँग भेट गरेका छन् । कार्यकर्ता रिहाइको माग गर्दै गृहमन्त्री खाँणसँग जनमत पार्टीका उपाध्यक्ष नरेन्द्र चौधरी र महासचिव चन्दन सिंहले भेट गरेका हुन् ।
सिंहदरबारस्थित गृह मन्त्रालयमा भएको भेटमा गृहमन्त्रीसँग चौधरीले शान्ति पूर्ण रूपमा आन्दोलनमा आफ्ना पार्टीका नेता कार्यकर्ता गिरफ्तार भएको जनाउँदै उनीहरूले रिहाइका लागि माग गरे ।
शान्तिपूर्ण आन्दोलनमा लगाइएको मुद्दा फिर्ता गर्न र गिरफ्तार गरिएका नेता कार्यकर्ताको रिहाका लागि जनमत पार्टीका नेताले माग गरेको गृहमन्त्रीका प्रेस संयोजक मधुसुधन भट्टराईले जानकारी दिए।
सो अवसरमा गृहमन्त्री खाँणले नागरिकको जीवन रक्षा र मौलिक अधिकार प्रत्याभूत गर्न सरकार प्रतिबद्ध रहेको बताउँदै घटनाको यथार्थ बुझ्ने विश्वास दिलाए ।
विभिन्न स्थानमा किसान आन्दोलन का नाममा राउतका कार्यकर्ताहरूले प्रहरीसँग झडप गर्दै आएका छन् । भने भौतिक साधनमा तोडफोड गरेर क्षति पुर्याउँदै आएका छन्।
