-
-
-
-
काठमाडौं । नेपाली राष्ट्रिय क्रिकेट टिमका कप्तान सन्दीप लामिछानेले रेकर्ड राखेका छन् । उनी टी–२० क्रिकेटमा ५० विकेट लिने पहिलो नेपाली खेलाडी बनेका छन् ।
ओमानमा भएको चारदेशीय टी–२० क्रिकेट श्रृंखलाको अन्तिम खेलमा आयरल्यान्डविरुद्ध एक विकेट लिँदै सन्दीप ५० विकेट पूरा गर्ने पहिलो नेपाली खेलाडी बनेका हुन् ।
उनले अर्को रेकर्ड पनि राखेका छन् । सन्दीप विश्वमै टी–२० मा कम खेलमा ५० विकेट लिने विश्वकै पाँचौं क्रिकेटरसमेत बनेका छन् ।
उनले २९ खेलमा ५० विकेट पूरा गरेका हुन् ।
टी–२० मा २६ खेलमै श्रीलंका पूर्व स्पिनर अजन्था मेन्डिस र आयरल्यान्डका मार्क आदिरले २८ खेलमा ५० विकेट पूरा गरी रेकर्ड आफ्नो नाममा लेखाएका छन् । त्यस्तै दक्षिण अफ्रिकाका इमरान ताहिर र अफगानिस्तानका राशिद खानले ३१–३१ खेलमा ५० विकेट पूरा गरेका थिए ।
