-
-
-
-
काठमाडौं । नेपाली राष्ट्रिय क्रिकेट टिमका खेलाडी कुशल भुर्तेलले टी–२० क्रिकेटमा पहिलो शतक बनाएका छन् । ओमानमा जारी आईसीसी पुरुष टी–२० विश्वकप ग्लोबल छनोट अन्तर्गत शनिबार फिलिपिन्सविरुद्ध भएको खेलमा कुशलले कौशलपूर्वक शतक पूरा गरेका हुन् ।
उनले मात्र ६१ बलको सामना गर्दै अविजित रहँदै एक सय चार रन बनाए । सो क्रममा उनले एक छक्का र १३ चौका प्रहार गरे । उनी टी–२० मा शतक बनाउने तेस्रो नेपाली खेलाडी हुन् । यसअघि पूर्व कप्तानद्धय पारस खड्का र ज्ञानेन्द्र मल्लले शतक बनाएका थिए ।
पारसले ५२ बलमा एक सय छ तथा ज्ञानेन्द्रले ५५ बलमा एक सय सात रन बनाएका थिए ।
