काठमाडौँ । पुष्पकमल दाहालले प्रधानमन्त्री निर्वाचित भएको ६ दिनपछि तीन मन्त्री थपेका छन् ।
सोमबार साँझ राष्ट्रपति कार्यालय शीतल निवासमा राष्ट्रपति विद्यादेवी भण्डारीले राप्रपाका दीपक बोहरा, विक्रम पाण्डे र नेकपा संयुक्तका जयदेव जोशीलाई सपथ ग्रहण गराएकी छन् ।
उनीहरु तीनैले विना विभागीय मन्त्रीको सपथ खाएका हुन् । तत्काल मन्त्रालय नतोकिएको बताइएको छ ।
दीपक बोहरा यसअघिको ओली सरकारमा समेत श्रम तथा रोजगार मन्त्री थिए । विक्रम पाण्डे निर्माण व्यवसायी पनि हुन् । संसदमा राप्रपाको ११ तथा नेकपा संयुक्तका तीन सदस्य छन् ।
योसंगै दाहाल नेतृत्वको मन्त्रिपरिषद् ९ सदस्यीय भएको छ । यसअघि माओवादीका ३ र कांग्रेसका दुई मन्त्रीले दाहालसंगै सपथ लिएका थिए ।
