नेपाली युवा टोली मलेसिया जाँदै

प्रकाशित मिति : २०७२ मङ्सिर १५ मंगलबार
काठमाडौ । आगामी मङ्सिर १७–२० सम्म मलेसियामा हुन लागेको ‘एसियन युथ च्याम्पियन कम्पिटिसन’मा भाग लिन नेपाली युवा टोली मलेसिया जाने भएको छ । नेपाल पर्वतारोहण सङ्घले आयोजना गरेको पत्रकार सम्मेलनमा युवा प्रतियोगितामा भाग लिन नेपालका तर्फबाट पञ्चमाया तामाङ, रुसा प्रधान, पेम्बा शेर्पा र सन्तोष पाण्डे मलेसिया जाँदै छन् ।  
 
सम्मेलनमा सङ्घका उपाध्यक्ष शान्तविर लामाले नेपाल पर्वतारोहण सङ्घको तर्फबाट पहिलोपटक च्याम्पियनसिपमा भाग लिन पठाउन लागेको जानकारी दिँदै सहभागीलाई सफलताको कामना दिए ।  उहाँले विगत पाँच वर्षदेखि हुँदै आएको सो प्रतियोगितामा पहिलोपटक नेपालको प्रतिनिधित्व गराएर देशलाई चिनाउन ठूलो सहयोग पुग्ने विश्वास गरे । प्रतियोगितामा १८ वर्षमुनिका युवाको सहभागिता रहनेछ । 
 
प्रतियोगितामा एसियाका पाकिस्तान, हङकङ, भारत, कोरिया, जापानलगायतका १५ देशको सहभागिता रहने सङ्घले जनाएको छ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ