यी हुन् जिम्बावेविरुद्ध खेल्ने नेपाली क्रिकेट खेलाडीहरु

हाम्रा कुरा

प्रकाशित २०७९ वैशाख ९ शुक्रबार

काठमाडौं । नेपाल क्रिकेट संघ (क्यान) ले जिम्बाबेविरुद्ध हुने एक दिवसीय र टी–२० खेलका लागि नेपाली राष्ट्रिय क्रिकेट टिमको घोषणा गरेको छ । क्यानले सन्दीप लामिछानेको कप्तानीमा २३ सदस्यीय टिम शुक्रबार बिहान घोषणा गरेको हो । नेपाली टिममा विनोद भण्डारी र सुनील धमलाले पुनरागमन गरेका छन् । क्यानले २३ खेलाडीबाट खेलको दिनमात्रै शुरुवाती ११ छनोट हुने बताएको छ ।

नेपालले जिम्बावे ‘ए’ सँग तीन ५० ओभरको र तीन टी–२० खेल खेल्नेछ । ५० ओभरको सिरिज १७–२१ बैशाखसम्म चल्ने छ । टी–२० सिरिज २३–२६ बैशाखसम्म हुनेछ ।

नेपाली टिममा सन्दीपसँगै विनोद र सुनील तथा दिपेन्द्रसिंह ऐरी, कुशल भुर्तेल, आरिफ शेख, आसिफ सेख, रोहित पौडेल, करण केसी, सोमपाल कामी, देव खनाल, किशोर महतो, अदिल अन्सारी, भीम सार्की र सुसन भारी रहेका छन् ।