जिम्बाब्वे विरुद्धको टी–२० श्रृंखलामा नेपालको बराबरी, अन्तिम खेलमा आठ विकेटको जित
हाम्रा कुरा
प्रकाशित २०७९ वैशाख २१ बुधबार
768
Shares
काठमाडौं । नेपालले जिम्बाब्वेको ए टिमलाई तेस्रो तथा अन्तिम टी–२० क्रिकेटमा पराजित गरेको छ । नेपाल ८ विकेटले विजयी भएको हो ।
टीयू क्रिकेट मैदानमा बुधबार दिउँसो भएको खेलमा नेपालले १३७ रनको चुनौती १५.५ ओभरमा मात्रै २ विकेट गुमाएर पूरा गर्यो ।
नेपालका लागि आसिफ शेखले ५४ बलमा अविजित रहँदै ८७ रन बनाए । त्यस्तै कुशल भुर्तेलले ३४ तथा बसिर अहमदले १० रन जोडे ।
यसअघि पहिले ब्याटिङ गरेको जिम्बाब्वेले निर्धारित २० ओभरमा ७ विकेटको क्षतिमा १३६ रन बनाएको थियो । रोय काइअले सर्वाधिक ४९ रन बनाएको इनिङ्समा सन्दीप लामिछानेले २ तथा बसिर अहमद र सोमपाल कामीले १–१ विकेट लिए । तीन खेलाडी रनआउट भएका थिए ।
यो जितसँगै तीन खेलको टी–२० श्रृंखलामा १–१ को बराबरी भएको छ । पहिलो खेलमा जिम्बाब्वे विजयी भएको थियो भने दोस्रो खेल वर्षाले रद्द भएको थियो ।
