खेलकुद पत्रकार मञ्चमा फेरि पनि देवेन्द्रकै नेतृत्व

हाम्रा कुरा

प्रकाशित २०७९ वैशाख २१ बुधबार

काठमाडौं । नेपाल खेलकुद पत्रकार मञ्च (एनएसजेएफ) को अध्यक्षमा पुनः दुर्गानाथ सुवेदी (देवेन्द्र) आएका छन् । उनी लगातार दोस्रो कार्यकालका लागि निर्वाचित भएका हुन् ।

एनएसजेएफको बुधबार भएको १७ औं वार्षिक साधारणसभाबाट सुवेदी आगामी तीन वर्षका लागि अध्यक्षमा पुनः निर्वाचित भएका हुन् । उनले लगातार दोस्रो पटक अध्यक्षका प्रत्यासी प्रकाश तिमल्सिनालाई पराजित गरे । सय सदस्यीय मञ्चमा सुवेदीले ५८ मत प्राप्त गरे । तिमल्सिनाले ३३ मत प्राप्त गरे ।

यस्तै प्रथम उपाध्यक्षमा निरन्जन अधिकारी, उपाध्यक्षमा सन्जिव शिल्पकार र गोविन्द रेग्मी, महासचिवमा प्रज्वल ओली, सचिवमा अन्जन खड्का र कोषाध्यक्षमा सुजन श्रेष्ठ निर्विरोध निर्वाचित भए ।

खुला सदस्यमा निशाल राई, अनिल मल्ल ठकुरी र कुशल तिमल्सिना निर्वाचित भए । महिला सदस्यमा मुना कार्की निर्वाचित भइन् । अनिलले ६८, निशानले ६५ र कुशलले ५३ मत प्राप्त गरे । सदस्यका अर्का प्रत्यासी सन्जिव साहले २८ मत पाए ।

महिला सदस्यमा विजयी मुनाले ६२ मत प्राप्त गरिन् । अर्की प्रत्यासी लक्ष्मी जिसीले ३१ मत प्राप्त गरिन् ।

निर्वाचित पदाधिकारीलाई नेपाल पत्रकार महासंघका केन्द्रीय सदस्य विकास कार्कीले प्रमाणपत्र प्रदान गरे ।