अमेरिका विरुद्ध नेपाल पहिले ब्याटिङमा, विश्वकप लिग टु क्रिकेटमा नेपाल जितका लागि आतुर

हाम्रा कुरा

प्रकाशित २०७९ जेठ २८ शनिबार

काठमाडौं । अमेरिकामा जारी आईसीसी पुरुष क्रिकेट विश्वकप लिग टु अन्तर्गत नेपालले अमेरिकासँग खेलिरहेको छ । नेपाल र अमेरिका बीचको खेल टेक्ससस्थित मोसा क्रिकेट मैदानमा जारी रहेको हो ।

नेपालले टस जितेर पहिले ब्याटिङ गरेको हो । नेपालका ओपनरद्धय आसिफ शेख र कुशल भुर्तेलले शानदार शुरुआत गरेसँगै नेपाल उच्च योगफलतर्फ अगाडि बढेको हो । नेपाल पहिलो जितको खोजीमा छ । पहिलो खेलमा ओमानसँग जित नजिक पुगेर पनि १३ रनले पराजित भएपछि नेपालले महत्वपूर्ण २ अंक गुमाएको थियो ।

अमेरिका भने सिरिजमा लगातार दोस्रो जित निकाल्न चाहन्छ । पहिलो खेलमा अमेरिकाले ओमानलाई हराएको थियो । नेपाल भने अमेरिकालाई उसकै भूमिमा हराएर महत्वपूर्ण दुई अंक बटुल्न चाहन्छ ।