काठेपुलबाट खसेर किशाेरीको मृत्यु

हाम्रा कुरा

प्रकाशित २०७९ असार २ बिहिबार

डोटी । काठेपुलबाट सेती नदीमा खसेर यहाँ आज एक किशाेरीको मृत्यु भएको छ । मृत्यु हुनेमा डोटीको आर्दश गाउँपालिका-६ गिरीचौकाकी १७ वर्षीया ढुल्लु अधिकारी रहेकी छन् ।

उनको सिगास गाउँपालिका-७ साङडा आउने क्रममा सेती नदीको पुलबाट खसेर मृत्यु भएको हो । अधिकारी रोपाइँका लागि सिगास-७ सङडा आउँदै गर्दा सेती नदीमा बनाइएको अस्थायी काठेपुलबाट लडेकी स्थानीय पदम खडायतले जानकारी दिए ।

सो स्थानमा रहेको झोलुङगे पुल गत कात्तिकमा भएको अविरल वर्षासँगै आएको बाढीले पुल बगाएपछि अस्थायी काठेपुल बनाइएको थियो ।