-
-
-
-
काठमाडौं । मलेसियामा शुरु भएको एसीसी महिला टी–२० च्याम्पियनशिप क्रिकेटमा अहिले नेपाल र भुटान खेलिरहेका छन् । यूएसडी यूकेएम ओभलमा शुरु भएको खेलमा नेपालले टस जितेर पहिले ब्याटिङ गरिरहेको छ ।
ज्योती पाण्डे र बिन्दू रावलले ओपनिङ गरेका छन् । नेपाल सहज प्रतिस्पर्धी भुटानलाई हराउँदै च्याम्पियनशिपमा सुखद शुरुआत गर्न चाहन्छ ।
च्याम्पियनसिपमा १० टोलीको सहभागिता रहेको छ । सहभागी टोलीलाई दुई समूहमा विभाजन गरिएको छ । च्याम्पियनसिपमा नेपाल समूह बी मा रहेको छ । नेपालको समूहमा भुटानसँगै हङकङ, कुवेत र बहराइन रहेका छन् ।
यस्तै समूह ए मा आयोजक मलेसियासँगै यूएई, ओमान, कतार र सिंगापुर रहेका छन् ।
समूहका दुई टिम सेमिफाइनलमा पुग्नेछन् । च्याम्पियनशिपको फाइनल पुग्ने दुई टोलीले महिला टी–२० एसिया कप क्रिकेटमा छनोट हुनेछ ।
