एसीसी महिला टी–२० को सेमिफाइनलमा नेपालको भिडन्त यूएईसँग, यस्तो छ समीकरण
हाम्रा कुरा
प्रकाशित २०७९ असार ८ बुधबार
587
Shares
काठमाडौं । मलेसियामा जारी एसीसी महिला टी–२० च्याम्पियनशिप क्रिकेटको सेमिफाइनलमा नेपालले बलियो टोली युनाइटेड अरब इमिरेट्स (यूएई) सँग खेल्ने भएको छ । बुधबार भएको अन्तिम खेलमा कतारलाई हराउँदै यूएई समूह विजेता बन्दै सेमिफाइनलमा पृुगेको हो ।
नेपाल समूह बी को उपविजेता हो भने यूएई समूह ए को विजेता हो । नेपालको समूहबाट हङकङ समूह विजेता बनेको छ ।
नेपाल समूह चरणमा भुटान, कुवेत र बहराइनलाई हराउँदा हङकङसँग पराजित भएको थियो । हङकङले ८ अंक जोड्यो भने नेपालले ६ अंक जोड्यो ।
यूएईले ७ अंक जोड्यो । मलेसिया ६ अंक जोडेर समूह उपविजेता बन्यो । अर्को सेमिफाइनलमा मलेसिया र हङकङ खेल्नेछन् ।
नेपालले यूएईसँग सेमिफाइनलमा शुक्रबार खेल्नेछ । च्याम्पियनशिपको फाइनल खेल शनिबार हुनेछ ।
फाइनल पुग्ने दुई टोली महिला टी–२० एसिया कप क्रिकेटमा छनोट हुनेछन् ।
