-
-
-
-
काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले शोधनान्तर घाटा हुनुमा एमाले अध्यक्ष केपी शर्मा ओलीको सरकार जिम्मेवार भएको बताएका छन् ।
सोमवार राजधानीको एक कार्यक्रममा प्रचण्डले त्यसमा तत्कालीन अर्थमन्त्री युवराज खतिवडा रहेको आरोप लगाएका छन् ।
कार्यक्रममा एमाले महासचिव शङ्कर पोखरेलले वर्तमान सरकार आएपछि मुलुकको शोधनान्तर घाटामा लगेको विदेशी मुद्रा कमजोर बनाएको लगायतका आरोप लगाएका थिए ।
त्यसको जवाफ दिँदै प्रचण्डले भने ‘शोधनान्तर घाटा हुनुमा ओली नै जिम्मेवार हुन । यसको जिम्मा ओलीले लिनुपर्छ ।’
प्रचण्डले ओली प्रतिकृयावादी र संविधान विरोधी देखिएकाले बाध्य भएर सच्याई जनताका सामु ल्याउनु परेको बताए ।
