-
-
-
-
बाजुरा । बाजुराको बुढीगंगा नगरपालिकामा आज पुनः मतदान हुँदै छ । ३० वैशाखमा देशभरका स्थानीय तहको चुनाव हुँदा बुढीगंगामा निष्पक्ष र स्वतन्त्र मतदान हुन नसकेपछि बुढीगंगामा आज मतदान हुँदै छ ।
मतदानका लागी १० वटा मतदान स्थल र १९ वटा केन्द्र निर्धारण गरिएको छ भने मेयरमा एमालेबाट रामबहादुर बानियाँ र कांग्रेसबाट रङबहादुर खातीले उम्मेदवारी दिएका छन् ।
बुढीगंगामा पुनः मतदानका लागि ९५ जना कर्मचारी खटिएका जिल्ला निर्वाचन कार्यालयले जनाएको छ। १० वडा रहेको नगरपालिकाको मतदाता सङ्ख्या १२ हजार ६ सय ५९ छ ।
विवाद देखिएपछि निर्वाचन आयोगले असार २३ मा पुनः मतदान गर्ने निर्णय गरेको थियो ।
