-
-
-
-
नेपालगन्ज । बाँकेको कोहलपुरमा गडेरिया दम्पती मृत अवस्थामा भेटिएका छन् । कोहलपुर नगरपालिका वडा नम्बर १४ पार्वतीपुरमा २५ वर्षीय कृष्णकुमार गडेरिया र २३ वर्षीया अञ्जली गडेरिया मङ्गलवार बिहान मृत अवस्थामा फेला परेको जिल्ला प्रहरी कार्यालय बाँकेले जानकारी दिएको छ ।
जिल्ला प्रहरी बाँकेका अनुसार घटनास्थलको प्रारम्भिक अवस्था हेर्दा हत्या भएको देखिएको छ। सुतिरहेको अवस्थामा मृत फेला परेका दम्पतीमध्ये कृष्णको मुखबाट रगत आएको र दायाँ हातमा चोट लागेको बाँके प्रहरीले जनाएको छ। मृतक दम्पती एक वर्ष अघि मात्र विवाह बन्धनमा बाँधिएको बताइएको छ।
घटना शङ्कास्पद भएका कारण शव परीक्षणका लागि भेरी अस्पताल पठाइएको छ । घरमा बिहान कोही नउठेपछि आफन्तले प्रहरीलाई खबर गरेका थिए ।
घटनाको अनुसन्धान अघि बढाइसकेकाले विस्तृत विवरण अनुसन्धान पश्चात् मात्रै आउने बाँके प्रहरीले जानकारी दिएको छ।
