-
-
-
-
झापा । नेपाल पत्रकार महासंघ झापा शाखाकी उपाध्यक्ष तथा नेपाल प्रेस युनियनकी केन्द्रीय सदस्य सुशीला संग्रौलाका पति मृत अवस्थामा भेटिएका छ्न् ।
झापाको अर्जुनधारा १० कालीझोडास्थित प्रगति सामुदायिक वनमा संग्रौलाका पति देवीप्रसाद पोखरेल मृत अवस्थामा फेला परेका हुन् । बिर्तामोड नगरपालिका ४ मा स्थायी बसोवास रहेका ६३ वर्षीय पोखरेल शनिबार अपरान्हदेखि परिवारको सम्पर्क बाहिर रहेको र आज आइतबार बिहान चारआली जंगलमा मृत अवस्थामा फेला परेको बताइएको छ ।
केही दिनअघि इलाम जाने भनी घर बाहिर रहेका पोखरेलको शव घोप्टो परेको अवस्थामा स्थानीयहरुले फेला पारेर प्रहरीलाई खबर गरेको बताइएको छ ।
पोखरेलको शवको पोस्टमार्टमको लागि जिल्ला अस्पताल भद्रपुर लगिएको छ । मृतक पोखरेलका एक छोरा र एक छोरी रहेका छन् ।
