घरमा आगलागी हुँदा १३ वर्षे बालिकाको मृत्यु

हाम्रा कुरा

प्रकाशित २०७९ माघ २४ मंगलबार

जुम्ला । चन्दननाथ नगरपालिकाको एक घरमा आगलागी हुँदा १४ वर्षीया बालिकाको मृत्यु भएको छ । लोकबहादुर भण्डारीको घरमा गएराति साढे १० बजे आगलागी हुँदा उनकी छोरी बन्दना भण्डारीको जलेर मृत्यु भएको प्रहरीले जनाएको छ । घरमुली लोकबहादुर घाइते भएका छन् ।

आगलागी भएको घरमा भण्डारीकी सासु, श्रीमती, छोरी लगायत सात जनाको परिवार बस्दै आएको प्रहरी निरीक्षक धर्मराज जोसीले जानकारी दिए । उनका अनुसार लोकबहादुरको खुट्टा पोलेको भने अन्य परिवार सकुशल रहेका छन् । उनका अनुसार ढुङ्गा र काठले बनेको तीन तलाको घर टिनको छानोले छाइएको थियो ।

प्रहरीका अनुसार आगो दोस्रो तलाबाट लागेको अनुमान गरिएको छ । मृतक बालिका तेस्रो तलामा सुतेका कारण उनलाई बाहिर निकाल्न नसिकएको हो ।